தாயை காப்பாற்றுவதற்காக தந்தையை தாக்கிய மகன், தந்தை பலி, 16 வயதான மகன் கைது!

நிறைபோதையில் மனைவியை இரும்பு கம்பியால் தாக்க முயன்ற தந்தையை மகன் தாக்கியதில் தந்தை உயிரிழந்துள்ளார். 

நேற்று (15) இடம்பெற்ற சம்பவம் தொடர்பாக பொலிஸ் ஊடகப் பிரிவு அறிவித்துள்ளது. கடந்த 14ம் திகதி இரவு, 

சம்பந்தப்பட்ட நபர் குடித்துவிட்டு வீட்டுக்கு வந்து மனைவியுடன் தகராறு செய்துள்ளார். அப்போது அவர் தனது மனைவியை இரும்பு கம்பியால் தாக்க முயன்றார்.

தாக்குதலில் இருந்து தாயை காப்பாற்ற இறந்தவரின் மகனும் மகளும் குறுக்கிட்டுள்ளனர், 

அப்போது மகன் இரும்பு கம்பியை பிடித்து தந்தையின் தலையில் தாக்கியுள்ளார். காயமடைந்த தந்தை மருத்துவமனையில் அனுமதிக்கப்பட்ட பின் உயிரிழந்துள்ளார்.

கொலையை செய்த 16 வயது இளைஞன் கைது செய்யப்பட்டு விளக்கமறியலில் வைக்கப்பட்டுள்ளார்.

சம்பவம் தொடர்பில் பொலன்னறுவை பொலிஸார் மேலதிக விசாரணைகளை மேற்கொண்டு வருகின்றனர்.