படமாகிறது மைக்கேல் ஜாக்சன் வாழ்க்கை வரலாறு

மிக வேகமான நடன அசைவுகளாலும் இனிய குரலாலும் ரசிகர்களை கவர்ந்த மைக்கேல் ஜாக்சன் பாடல் எழுதுவது, இசையமைப்பது, நடனமாடுவது என பன்முக திறமை கொண்டவர். 

மைக்கேல் ஜாக்சன் பாலியல் குற்றச்சாட்டில் சிக்கி பின்னர் நிரபராதி என்று விடுதலை ஆனார். 2009 இல் லாஸ் ஏஞ்சல்ஸ் நகரில் உள்ள தனது வீட்டில் மாரடைப்பு ஏற்பட்டு மரணம் அடைந்தார்.

மைக்கேல் ஜாக்சன் வாழ்க்கையை படமாக்க ஒரு வருடமாக முயற்சிகள் நடந்து தற்போது இறுதி கட்டத்தை எட்டி உள்ளது. இந்த படத்தை போஹெமியன் ராப்சோடி படத்தை தயாரித்த கிரஹாம் கிங் தயாரிக்கிறார். 

மைக்கேல் ஜாக்சனின் அனைத்து இசை ஆல்பங்களில் உள்ள பாடல்களை படத்தில் பயன்படுத்தவும் அனுமதி பெற்றுள்ளார்.

இந்த படத்தில் மைக்கேல் ஜாக்சன் கதாபாத்திரத்தில் நடிக்க அவரது சகோதரர் ஜெமைன் ஜாக்சனின் மகன் ஜாபர் ஜாக்சன் தேர்வு செய்யப்பட்டு இருப்பதாக தயாரிப்பாளர் கிரஹாம் கிங் தெரிவித்து உள்ளார்.