மனைவியை உயிருடன் தின்ற சுறா மீன்!! -சுற்றுலாவுக்கு சென்ற காதல் தம்பதிக்கு நடந்த சோக சம்பவம்-

அமெரிக்கா நாட்டில் வசித்துவரும் தம்பதியினர் ஒருவர் ஹவாயில் ஸ்நோர்கெல்லிங் செய்து கொண்டு இருந்த போது, மனைவி சுறா மீனின் வாயில் சிக்கி உயிரிழந்த சம்பவம் சோகத்தை ஏற்படுத்தியுள்ளது.

இச்சம்பவம் தொடர்பில் மேலும் தெரியவருவது:-

கடற்கரையில் உள்ள கெவாகாபு முனையிலிருந்து 50 கெஜம் தொலைவில் ஜோடியாக ஸ்நோர்கெல்லிங் செய்து கொண்டு இருந்த கணவன், மனைவியின் அருகில் சுறா மீன் ஒன்று வருவதை கண்டு அதிர்ச்சியடைந்துள்ளார்.

சிறிது நேரம் கடலுக்குள் இருந்த படியே மனைவியைத் தேடிய கணவன், சுறா மீன் வாயில் ஏதோ இருப்பதையும், சுறாவின் செவுள்களைச் சுற்றி சிவப்பு நிறத்தையும் கண்டு அதிர்ச்சி அடைந்து உடனடியாக கரைக்கு திரும்பியுள்ளார்.

கரைக்கு திரும்பி வந்தும் மனைவியை பார்க்க முடியாததை அடுத்து, அவசர சேவைக்கு அழைப்பு விடுத்தார். இதையடுத்து தேடுதல் வேட்டை நடத்திய ஹவாய் அதிகாரிகள், சுறாவின் வாயில் சிக்கியது 911க்கு அழைப்பு விடுத்த அமெரிக்க சுற்றுலா பயணியின்  மனைவி என்று உறுதிப்படுத்தினார்கள்.

40 மணி நேரத்தில் 17 தேடுதல் முயற்சிகளுக்குப் பின், 306 மைல் சுற்றளவு கடலில் வேட்டை நிறுத்தப்பட்டது. இதில் ஸ்நோர்கெல் செட் மற்றும் குளியல் ஆடையின் ஒரு பகுதி கண்டுபிடிக்கப்பட்டது.

சுறா ஒரு புலி சுறா என்று சாட்சிகள் தெரிவித்தனர், சிலர் இது தோராயமாக 10 அடி முதல் 12 அடி வரை இருக்கும் என்று மதிப்பிடுகின்றனர்.