நடுவானில் நேருக்கு நேர் மோதிக்கொண்ட விமானங்கள்!!

அமெரிக்காவின் டெக்ஸாஸில் நடந்த விமான கண்காட்சியின் போது நடு வானில் இரண்டு விமானங்கள் நேருக்கு நேர் ஒன்றுடனொன்று மோதி விபத்துக்குள்ளாகியுள்ளன.

போயிங் ரக பி-17 என்ற விமானம் ஒன்றும் சிறிய ரக விமானம் ஒன்றும் இதன் போது விபத்துக்குள்ளானதாக தெரிவிக்கப்படுகிறது. குறித்த இரு விமானங்களையும் செலுத்தியவர்களின் நிலை என்னவென்று இதுவரையில் கண்டறியப்படவில்லை.

அதிகாரிகள் உயிரிழப்புகளை உறுதிப்படுத்தவில்லை. எனினும், அறிக்கைகளின்படி குறைந்தது 6 பேர் விமானத்தில் இருந்தனர். அவர்கள் அனைவரும் இறந்திருக்கலாம் என்று அஞ்சப்படுகிறது.

அத்துடன் இரண்டாம் உலகப் போர் காலத்தில் பயன்படுத்தப்பட்ட விமானம் ஒன்று இதன் போது சேதமடைந்துள்ளதாக அறிவிக்கப்பட்டுள்ளது. குறித்த பகுதியில் மீட்பு பணிகள் இடம்பெறுவதாக சர்வதேச ஊடகத் தகவல்கள் தெரிவிக்கின்றன.