வெளியேறியது மேற்கிந்திதீவுகள்!! -சூப்பர் 12 சுற்றுக்கு முன்னேறியது அயர்லாந்து-

இரண்டு முறை ரி-20 உலகக்கோப்பையை வென்று சாம்பியன் பட்டத்தை தனதாக்கிய மேற்கிந்திதீவுகள் அணி தற்போது நடைபெற்றுவரும் ரி-20 உலககோப்பையிலிருந்து வெளியேறியுள்ளது.

ரி-20 உலகக்கோப்பை தகுதிச்சுற்று போட்டியில் குரூப் பி பிரிவில் இன்று மேற்கிந்திதீவுகள் - அயர்லாந்து அணிகள் மோதின. இந்த போட்டியில் நாணயசுழல்ச்சியில் வென்ற மேற்கிந்திதீவுகள் அணி முதலில் துடுப்பாட்டடத்தை தேர்வு செய்தது. 

மேற்கிந்திதீவுகள் அணி 20 ஓவர்கள் முடிவில் 5 விக்கெட்டுகள் இழப்பிற்கு 146 ஓட்டங்களை பெற்றது.இதையடுத்து 147 ஓட்டங்கள் பெற்றால் வெற்றி என்ற இலக்குடன் அயர்லாந்து அணி துடுப்பெடுத்தாடியது.

17.3 ஓவர்களில் ஓரு விக்கெட் இழப்பிற்கு 152 ஓட்டங்கள் எடுத்து அயர்லாந்து அணி அபார வெற்றி பெற்றது. இந்த வெற்றியால் அயர்லாந்து அணி சூப்பர் 12 சுற்றுக்கு தகுதி பெற்றது. 2 முறை சாம்பியன் பட்டம் வென்ற மேற்கிந்திதீவுகள் அணி ரி-20உலககோப்பையிலிருந்து வெளியேறியுள்ளது.