எரிசக்தி நெருக்கடியால் பிரித்தானியாவில் மின் துண்டிக்கப்படும் அபாயம்!!

பிரித்தானியாவில் ஆற்றல் நெருக்கடி ஏற்பட்டால் இந்த குளிர்காலத்தில் ஒரே நேரத்தில் 3 மணிநேரம் வரை மின் துண்டிப்பை சந்திக்க நேரிடும் என தேசிய கிரிட் எச்சரித்துள்ளது.

இது ஒரு சாத்தியமற்ற சூழ்நிலை என்று நிறுவனம் தெரிவித்துள்ள போதிலும் ஆற்றல் நெருக்கடி அதிகரித்தால் மின் விநியோக தடைகள் சாத்தியமாகும் என்றும் அறிவித்துள்ளது.

உச்ச நேரங்களில் மின் துண்டிப்பு ஏற்படலாம் எனவும் இது குறித்து வாடிக்கையாளர்களுக்கு முன்கூட்டியே அறிவுறுத்தல்கள் வழங்கப்படும் எனவும் தேசிய கிரிட் மேலுமு; அறிவித்துள்ளது.

மின்வெட்டு குறித்து வாடிக்கையாளர்களுக்கு குறைந்தபட்சம் ஒரு நாள் முன்னதாகவே எச்சரிக்கப்படும், இது அதிக தேவை உள்ள நேரங்களில், காலை அல்லது மாலை 4 மணி முதல் இரவு 9 மணி வரை அதிகமாக மின் துண்டிப்பு இருக்கும் என்றும் மேலும் தகவல் தெரிவிக்கப்பட்டுள்ளது. 

நாட்டின் அனைத்து பகுதிகளும் ஒரே நேரத்தில் பாதிக்கப்படாத வகையில் சுழற்சி முறையில் மின் துண்டிப்பு மேற்கொள்ளப்படும் என அறிவிக்கப்பட்டுள்ளது.