லண்டனில் முதியவர் கொடூரமாக குத்திக் கொலை!! -தப்பி ஓடியவரை பிடிக்க பொது மக்களிடம் உதவி கோரல்-

லண்டனில் முதியவர் ஒருவருவரை கத்தியால் குத்தி கொலை செய்துவிட்டு கொலைக்குப் பயன்படுத்திய கத்தியுடன் அங்கிருந்து தப்பிச் சென்ற நபரின் புகைப்படங்களை பொலிஸார் வெளியிட்டுள்ளனர். 

மேற்கு லண்டன் ஈலிங், கிரீன்போர்டில் உள்ள கேட்டன் வீதியில் 87 வயதான தாமஸ் ஓ'ஹலோரன் என்பவர் கத்தியால் குத்தப்பட்டு படுகொலை செய்யப்பட்டிருந்தார். இந்த சம்பவம் நேற்று மாலை 4 மணியளவில் இடம்பெற்றிருந்தது. 

இந்நிலையில், அவசரமாக அடையாளம் காண விரும்பும் ஒரு நபரின் படங்கள் வெளியிடப்பட்டுள்ளன. அவர் ஆபத்தான நபர், மக்கள் அவரை அணுக வேண்டாம் என்று அறிவுறுத்தப்படுகிறார்கள், ஆனால் அவரைத் தெரிந்தால் அல்லது அவர் இருக்கும் இடம் குறித்து ஏதேனும் தகவல் இருந்தால் உடனடியாக 999 இலக்கத்திற்கு அழைக்குமாறு விசாரணையை வழிநடத்தும் துப்பறியும் தலைமை அதிகாரி ஜிம் ஈஸ்ட்வுட் தெரிவித்துள்ளார்.