உக்ரைனில் ரஷ்ய ஏவுகணைத் தாக்குதல்!! -5 பேர் பலி: 26 பேர் காயம்-

ரஷ்யாவினால் உக்ரைன் மீது மேற்கொள்ளப்பட்ட ஏவுகணை தாக்குதல்களில் 5 பேர் கொல்லப்பட்டுள்ள அதே வேளை குறித்த சம்பவத்தில் சுமார் 26 பேர் வரை காயமடைந்துள்ளதாக சர்வதேச தகவல்கள் தெரிவிக்கின்றன.

ரஷ்யாவினால் ஆக்கிரமிக்கப்பட்ட உக்ரைனின் தென் கெர்சன் நகரத்தை மீள கைப்பற்றுவதற்கான முயற்சியில் உக்ரைன் ஈடுபட்ட போதே இந்த தாக்குதல் நடத்தப்பட்டுள்ளது.

அதேநேரம், உக்ரைன் - பக்முட் பகுதியில் ரஷ்யாவினால் நடத்தப்பட்ட தாக்குதலில் 3 பேர் கொல்லப்பட்டனர்.

15 இராணுவத்தினர் காயமடைந்துள்ளனர். ரஷ்யாவின் தொடர் தாக்குதல்களால் உக்ரைனின் தெற்கு மற்றும் வடக்கு நகரங்கள் கடுமையாக பாதிக்கப்பட்டுள்ளதாக சர்வதேச தகவல்கள் தெரிவிக்கின்றன.