ரஷ்யா ஏவுகணை தாக்குதல்!! -300 உக்ரைன் வீரர்கள் பலி-

உக்ரைன் மீது ரஷ்ய படைகள் நடத்தும் யுத்தம் 5 மாதங்களாக நடைபெற்று வரும் நிலையில் தற்போது கிழக்கு உக்ரைனை கைப்பற்ற கடுமையான தாக்குதல் நடத்தப்படுகிறது. அங்குள்ள நகரங்கள் மீது தொடர்ந்து ஏவுகணைகள் வீசப்படுகின்றன.

இந்நிலையில் கிழக்கு உக்ரைன் டொனட்ஸ்க் மாகாணம் கிராமடோர்ஸ்கி நகரில் உள்ள ஒரு பாடசாலையில், உக்ரைன் இராணுவ வீரர்கள் தங்கி இருந்தனர். அந்த பாடசாலை மீது ரஷ்ய படைகள் ஏவுகணைகளை வீசி தாக்குதல் நடத்தியது.

இதில் 300 உக்ரைன் வீரர்கள் கொல்லப்பட்டதாக ரஷ்ய இராணுவம் தகவல் தெரிவித்துள்ளது. பாடசாலை மீது தாக்குதல் நடத்தப்பட்டதை உக்ரைன் உறுதிப்படுத்திய வேளையில் பொதுமக்கள் 3 பேர் உயிரிழந்ததாக தெரிவித்தது.

இருப்பினும் 300 வீரர்கள் பலியானதாக ரஷ்ய இராணுவம் கூறியதற்கு உக்ரைன் தரப்பு விளக்கம் அளிக்கவில்லை என்பது குறிப்பிடத்தக்கது.