இங்கிலாந்து இளவரசர் திருமணத்தில் பிரியங்கா சோப்ரா

இங்கிலாந்து இளவரசர் ஹாரி மற்றும் அமெரிக்க நடிகை மேகன் மார்க்கல் திருமணத்தில் இந்திய நடிகை பிரியங்கா சோப்ராவும் கலந்து கொண்டுள்ளார்.

பிரிட்டன் ராஜக் குடும்பத்தைச் சேர்ந்த இளவரசர் ஹாரி மற்றும் அமெரிக்க நடிகை மேகன் மார்க்கல் இருவரும் நீண்ட நாட்களாக காதலித்து வந்தனர். இதையடுத்து, இவர்களின் திருமணம் இந்திய நேரப்படி இன்று மாலை 4.40 மணியளவில், விண்ட்சார் கோட்டை அருகே இருக்கும் செயின்ட் ஜார்ஜ் சேப்பல் தேவாலயத்தில் மிகவும் விமர்சியாக நடைபெற்றது.

இந்தத் திருமண விழாவில், பல பிரபலங்களும் கலந்து கொண்டு புதுமணத் தம்பதிக்கு தங்கள் வாழ்த்துகளைத் தெரிவித்தனர். இதுமட்டுமில்லாமல், அரசக் குடும்பத்தின் திருமணத்தைக் காண உலகெங்கிலும் இருந்து, பல லட்சம் மக்கள் லண்டனில் குவிந்தனர்.

இந்நிலையில், நடிகை மேகன் மார்க்கலின் தோழியான பிரியங்கா சோப்ராவுக்கு இந்தத் திருமண விழாவில் கலந்து கொள்ள அழைப்பு விடுக்கப்பட்டது. இதைத் தொடர்ந்து, பிரியங்கா சோப்ரா லண்டன் சென்று, இன்று நடைபெற்ற திருமண விழாவில் கலந்து கொண்டுள்ளார்.