புதுப்பொலிவுடன் மீண்டும் திரைக்கு வரும் டைட்டானிக்!!

உலகம் முழுவதும் உள்ள ரசிகர்களால் பெரிதும் ரசிக்கப்பட்ட டைட்டானிக் திரைப்படத்தின் புதுப்பிக்கப்பட்ட பதிவு அடுத்த ஆண்டு காதலர் தினத்தன்று வெளியிடப்படும் என்று தகவல் வெளியாகியுள்ளது. 

ஜேம்ஸ் கேமரூன் இயக்கத்தில் வெளிவந்த குறித்த திரைப்படம் பல ஆஸ்கர் விருதுகளை தட்டிச்சென்றது மட்டுமல்லாமல் வசூலிலும் சக்கை போடு போட்டிருந்தது. 

இந்த திரைப்படம் வெளியாகி 25 வருடங்கள் நிறைவடைந்ததை முன்னிட்டு அதன் புதுப்பிக்கப்பட்ட முப்பரிமாண பதிவை மீண்டும் திரையரங்குகளில் வெளியிட முடிவு செய்யப்பட்டுள்ளது என்று மேலும் தகவல் வெளியாகியுள்ளது.