போதைப்பொருள், துப்பாக்கிகள் மீட்பு!! -கனடாவில் இரு தமிழர்கள் கைது-

கனடாவில் துப்பாக்கி மற்றும் போதைப்பொருள் குறித்த விசாரணையில் இரண்டு தமிழர்கள் மீது யோர்க் பிராந்திய பொலிஸார் குற்றச்சாட்டுகளை பதிவு செய்துள்ளனர்.

23 வயதான அஜய்சன் பிரேமச்சந்திரன், மார்க்கம் நகரை சேர்ந்த 24 வயதான கமீஷா கமலநாதன் ஆகியோர் மீது இவ்வாறான குற்றச்சாட்டுகளை பொலிஸார் பதிவு செய்தனர்.

மார்க்கம் குடியிருப்பு பகுதியில் சந்தேகத்திற்கிடமான முறையில் நிறுத்தி வைக்கப்பட்டிருந்த வாகனம் தொடர்பில் பொலிஸாருக்கு தகவல் வழங்கப்பட்டது. சம்பவ இடத்திற்கு கடந்த 30 ஆம் திகதி இரவு 10:40 மணியளவில் சென்று பொலிஸார் காரில் 2 பேர் தூங்கி கொண்டிருந்தனர். இதனையடுத்து ஒரு ஆணும் பெண்ணும் சோதனை செய்யப்பட்டனர், பின்னர் அதிகாரிகள் ஒரு கைத்துப்பாக்கி, ஒரு சைலன்சர், உடல் கவசம், முகமூடிகள், ஒரு கத்தி என்பவற்றை மீட்டனர்.

இதனை தொடர்ந்து மார்க்கம் நகர இல்லமொன்றில் அதிகாரிகள் மேற்கொண்ட விசாரணையில் கணிசமான அளவு வெடிமருந்துகளை கண்டுபிடித்தனர். மார்க்கம் பகுதியைச் சேர்ந்த 24 வயதான கமீஷா கமலநாதன், துப்பாக்கியை கவனக்குறைவாக பதுக்கி வைத்திருந்தமை மற்றும் ஆயுதம் வைத்திருந்தமை உட்பட ஏழு குற்றச்சாட்டுகளை எதிர்கொள்கிறார்.