நீண்ட தூரம் சென்று தாக்கும் ஏவுகணைகள்!! -அமெரிக்காவிடமிருந்து கேட்கும் உக்ரைன்-

உக்ரைன் படைகளுக்கு நீண்ட தூரம் சென்று துல்லியமாக இலக்கை தாக்கி அழிக்கும் ஏவுகணைகளை அமெரிக்கா வழங்க வேண்டும் என கோரிக்கை வைக்கப்பட்டுள்ளது.

உக்ரைன் மீது ரஷியா போர் தொடுத்து நேற்றுடன் 100 நாட்கள் முடிந்து விட்டன. 

உக்ரைனில் தலைநகரை பிடிக்க முடியாத சூழ்நிலையில் கிழக்கு உக்ரைனின் டான்பாஸ் பகுதியை முற்றிலுமாக கைப்பற்றுவதில் ரஷிய படைகள் தொடர்ந்து தீவிரம் காட்டி வருகின்றன.

இந்நிலையில், ரஷியா படைகளுக்கு பதிலடி தர, நீண்ட தூரம் சென்று இலக்கை துல்லியமாக தாக்கி அழிக்கும் ஏவுகணைகளை உக்ரைனுக்கு வழங்கி அமெரிக்கா உதவிட வேண்டும் என்று அமெரிக்காவுக்கான உக்ரைன் தூதர் ஒக்ஸானா மார்க்கரோவா கேட்டுக்கொண்டார்.