பிலிப்பைன்ஸ் ஜனாதிபதி தேர்தல்!! -மார்க்கோஸ் அமோக வெற்றி-

பிலிப்பைன்ஸ் நாட்டின் முன்னாள் சர்வாதிகாரி பெர்டினாண்ட் மார்கோஸின் மகன் ரொமுல்டஸ் மார்கோஸ் நேற்று திங்கட்கிழமை நடந்த ஜனாதிபதி தேர்தலில் அமோக வெற்றி பெற்றுள்ளார்.

பதிவுசெய்யப்பட்ட மொத்த வாக்குகளில் 94 வீத வாக்குகள் பதிவான நிலையில் மார்கோஸ் 29.9 மில்லியன் வாக்குகளைப் பெற்றார். இது அவரது முக்கிய போட்டியாளரான முன்னாள் துணை ஜனாதிபதி லென்னி ராப்ரெடோவின் எண்ணிக்கையை விட இரண்டு மடங்கு அதிகமாகும்.

இரண்டு தசாப்தங்களுக்கும் மேலாக நீடித்த பெர்டினாண்ட் மார்கோஸின் ஆட்சி 1986 இல் மக்கள் புரட்சியால் தூக்கியெறியப்பட்டது. 36 ஆண்டுகளுக்குப் பின் அவரது மகன் மீண்டும் ஆட்சிக்கு வருவது எதிர்பாராதது என்று விமர்சகர்கள் சுட்டிக்காட்டுகின்றனர்.