100 ஆவது ஐ.பி.எல் போட்டி!! -சதமடித்து அசத்திய கே.எல்.ராகுல்-

ஜ.பி.எல் ரி-20 தொடரில் மும்பைக்கு அணிக்கு எதிரான போட்டியில் கே.எல்.ராகுல் 60 பந்தில் 5 சிக்சர், 9 பவுண்டரி உள்பட 103 ஓட்டங்களை பெற்று அசத்தியுள்ளார். 

ஐ.பி.எல் ரி-20 தொடரின் 26 ஆவது போட்டியில் மும்பை இந்தியன்ஸ் அணியும், லக்னோ சூப்பர் ஜெயண்ட்ஸ் அணியும் இன்று மோதுகின்றன. நாணயசுழல்ச்சியில் வெற்றி பெற்ற மும்பை அணி பந்துவீச்சை தேர்வு செய்தது.

அதன்படி, லக்னோ சூப்பர் ஜெயண்ட்ஸ் அணி முதலில் களமிறங்கியது. தொடக்க ஆட்டக்காரர் கே.எல்.ராகுல் ஆரம்பம் முதலே அதிரடியாக ஆடினார். 

இறுதியில், லக்னோ சூப்பர் ஜெயண்ட்ஸ் அணி நிர்ணயிக்கப்பட்ட 20 ஓவரில் 4 விக்கெட் இழப்புக்கு 199 ஓட்டங்களை பெற்றது. அணித்தலைவர் கே.எல்.ராகுல் அதிரடியாக ஆடி சதமடித்தார். அவர் 60 பந்தில் 5 சிக்சர், 9 பவுண்டரி உள்பட 103 ஓட்டங்களை எடுத்து ஆட்டமிழக்காமல் உள்ளார்.

இந்த போட்டி கே.எல்.ராகுலின் 100 ஆவது ஐபிஎல் போட்டி என்பது குறிப்பிடத்தக்கது. 100வது போட்டியில் சதமடித்த ராகுலுக்கு பலரும் பாராட்டு தெரிவித்து வருகின்றனர்.