அடுக்குமாடி குடியிருப்பு மீது ரஷ்ய படைகள் குண்டுத்தாக்குதல்!! -கைக்குழந்தை உட்பட 7 பேர் பலி-

உக்ரைன் நாட்டில் உள்ள கார்க்கிவ் நகரில் ரஷ்ய இராணுவத்தினர் நடத்திய குண்டுவீச்சு தாக்குதலில் அப்பாவி கைக்குழந்தை உட்பட 7 பேர் உயிரிழந்துள்ளனர்.

ரஷ்ய படைகள் வீசிய குண்டு அங்குள்ள அடுக்குமாடி குடியிருப்பு பகுதியில் பாய்ந்ததில் அந்த கட்டடம் பலத்த சேதமடைந்தது. இதில் இடிபாடுகளில் சிக்கி 7 பேர் உயிரிழந்த நிலையில் மேலும் 34 பேர் படுகாயம் அடைந்துள்ளனர்.

கார்க்கிவ் நகரம் போர் தொடங்கிய நாள் முதலே ரஷ்ய படைகளின் முக்கிய குறியாக இருந்து வருகிறது. இந்த வாரத்தில் ஒரே இரவில் அங்கு சுமார் 60 பீரங்கி குண்டுகள் மற்றும் ஏவுகணைகள் குடியிருப்புப்பகுதிகள் மற்றும் கட்டடங்களை தாக்கியதில் பலர் உயிரிழந்திருப்பதாக தகவல் வெளியாகி உள்ளது.