ராஜபக்ச அரசிற்கு எதிராக லண்டனில் போராட்டம்!! -கோட்டாபயவின் உருவ பொம்மையும் எரிப்பு-

இலங்கை அரசாங்கத்திற்க எதிராக பொது மக்களால் முன்னெடுக்கப்பட்டுவரும்  போராட்டங்களுக்கு ஆதரவு தெரிவித்து தமிழ் சொலிடாரிட்டி அமைப்பினால் போராட்டம் ஒன்று லண்டனில் அமைந்துள்ள உயர் ஸ்தானிகராலயத்திற்கு முன்பாக நடத்தப்பட்டது. 

கடனை திருப்பி செலுத்த மாட்டோம், அரசியல் கைதிகளை விடுதலை செய், அடிப்படை வாழ்வாதார பொருட்களின் விலையை குறை, விலைவாசி உயர்வு கட்டுப்பாட்டினை நடைமுறைபடுத்து, தமிழ் பேசும் மக்களின் அரசியல் உரிமையை அங்கீகரித்தல், காணி அபகரிப்பை நிறுத்து, தொழிலாளர்கள் ஊதியத்தை உயர்த்து போன்ற பல்வேறுப்பட்ட கோஷங்கள் போரட்டக்காரர்களால் எழுப்பப்பட்டது.

குறித்த போராட்டத்தில் கலந்து கொண்டவர்களால் இலங்கை ஜனாதிபதி கோட்டாபய ராஜபக்சவின் உருவ பொம்மை எரியூட்டப்பட்டது என்பது குறிப்பிடத்தக்கது.