24 வயது பெண்ணுக்கு 2 வயதில் 22 குழந்தைகள்!!

அமெரிக்கா நாட்டைச் சேர்ந்த பெண் ஒருவருக்கு 2 வயது மற்றும் அதற்கு குறைவான வயதுடைய 22 குழந்தைகள் உள்ளமை தொடர்பான தகவல் வெளியாகியுள்ளது. 

அந்நாட்டின் ஜார்ஜியா மாகாணத்தைச் சேர்ந்தவர் கிறிஸ்டினா ஓஸ்டர்க். 24 வயதான இந்தப் பெண்ணுக்கு இப்போது 22 குழந்தைகள் உள்ளன. கிறிஸ்டினாவின் கணவர் பெயர் காலிப். 

இவர்கள் இருவரும் வாடகை தாய் முறையில் 22 குழந்தைகளை பெற்றுள்ளனர். இதற்காக அவர்கள் 195,000 டொலர்களை செலவு செய்துள்ளனர்.

கிறிஸ்டினாவின் இந்த பெரிய குடும்பம் குறித்த பதிவு இன்ஸ்டாகிராம் தளத்தில் வைரலாகியுள்ளது. ஆரம்பத்தில் இது அனைவரையும் அதிர்ச்சியடைய வைத்தது. பின்னர் அவர் குழந்தை பெற்ற முறையை அறிவித்துள்ளார்.