சுவிட்சர்லாந்தில் பதுங்கிய புதினின் ரகசிய காதலி!!

சுவிட்சர்லாந்தில் பதுங்கிய ரஷிய ஜனாதிபதி புதினின் ரகசிய காதலியை வெளியேற்றும்படி 63 ஆயிரம் பேர் கையெழுத்திட்டு கோரிக்கை ஒன்றினை முவைத்துள்ளனர். 

ஒலிம்பிக் போட்டிகளில் பங்கேற்ற ஜிம்னாஸ்டிக் வீராங்கனை அலினா கபேவா (வயது 38).  இவர் ரஷிய ஜனாதிபதி விளாடிமிர் புதினின் மனைவி என பரவலாக நம்பப்படுகிறது.  புதினின் 4 குழந்தைகளுக்கு தாய் என்றும் கூறப்படுகிறது.  இருப்பினும் இவ்விடயம் தொடர்பில் அதிகாரப்பூர்வ அறிவிப்பு எதனையும் புதின் இதுவரை வெளியிடவில்லை.

புதினின் ரகசிய காதலி, நேசனல் மீடியா குரூப் என்ற ரஷியாவில் உள்ள ஒரு மிக பெரிய தொலைக்காட்சி ஒன்றின் இயக்குனர்கள் வாரிய தலைவராக இருந்து வருகின்றார். 

இந்த சூழலில், உக்ரைன் மீது போர் தொடுக்கும் முன்பு, தனது ரகசிய காதலி கபேவாவை, சுவிட்சர்லாந்தில் உள்ள தனியார் வசமுள்ள பகுதிக்கு புதின் அனுப்பி வைத்துள்ளார் என நம்பப்படுகிறது.

இதனையடுத்து, கடந்த 2 வாரங்களுக்கு முன்பு, ரஷியா, பெலாரஸ் மற்றும் உக்ரைன் நாட்டை சேர்ந்த குடிமக்கள் பலர், கபேவாவை சுவிட்சர்லாந்து நாட்டில் இருந்து துரத்துங்கள் என்று அந்நாட்டு அதிகாரிகளுக்கு கோரிக்கை விடுத்தனர்.  ரஷியாவுக்கு அவரை நாடு கடத்தும்படியும் கூறியிருந்தனர்.

இதற்காக மனு ஒன்றில் இதுவரை 63 ஆயிரம் பேர் கையெழுத்திட்டு உள்ளனர்.  உக்ரைனுக்கு எதிராக போர் ஒருபுறம் நடந்து வந்தபோதிலும், புதினுக்கு ஆதரவான கூட்டாளியாகவே தொடர்ந்து சுவிட்சர்லாந்து அரசு செயல்பட்டு வருகிறது.