பராக் ஒபாமாவுக்கு கொரோனா!!

அமெரிக்க முன்னாள் ஜனாதிபதி பராக் ஒபாமா தகக்கு கொரோனா வைரஸ் தொற்று உறுதி செய்யப்பட்டுள்ளதாக தனது ருவிட்டர் பக்கத்தில் தெரிவித்துள்ளார். 

கடந்த சில நாட்களாக தொண்டை வலியால் அவதிப்பட்டு வந்த நிலையில் கொரோனா வைரஸ் தொற்றுத் தொடர்பான வைத்திய பரிசோதனை செய்ததில் தொற்று உறுதியானதாக அவர் குறிப்பிட்டுள்ளார்.

அத்துடன் தனது மனைவி மிச்செலுக்கு மேற்கொள்ளப்பட்ட பரிசோதைனையில் தொற்று உறுதி இல்லை என முடிவு வந்துள்ளதாகவும் அவர் மேலும் கூறியுள்ளார்.

நாங்கள் இருவரும் பூஸ்டர் உட்பட 3 தடுப்பூசிகளையும் போட்டுள்ளோம். எங்களுக்கு கடும் அறிகுறிகள் ஏதும் இல்லை. அனைவரும் தடுப்பூசி போட்டுக் கொள்ளுங்கள் என்றும் ஒபாமா வலியுறுத்தியுள்ளார்.