யாழ்.பருத்தித்துறை மாலுச்சந்தி - மந்திகை இடையில் விபத்து..! 5 பேர் காயமடைந்த நிலையில் வைத்தியசாலையில் அனுமதி..
யாழ்.பருத்தித்துறை மந்திகை - மாலுசந்தி இடையில் இன்று மாலை இடம்பெற்ற விபத்தில் 5 பேர் காயமடைந்திருக்கின்றனர்.
பருத்தித்துறை நோக்கி சென்றுகொண்டிருந்த முச்சக்கர வண்டியும், நெல்லியடி நோக்கி கொண்டிருந்த மோட்டார் சைக்கிளும் மோதிக்கொண்டதில்
5 பேர் காயமடைந்த நிலையில் பருத்தித்துறை ஆதார வைத்திய சாலையில் சிகிச்சைக்காக அனுமதிக்கப்பட்டுள்ளனர்.
இதில் மோட்டார் சைக்கிளில் பயணித்தவர் தனது இரண்டு பிள்ளைகளையும் பாடசாலையிலிருந்து ஏற்றிவந்தபோதே
முச்சக்கரவண்டியுடன் மோதுண்டு விபத்து இடம் பெற்றுள்ளது. இது தொடர்பான விசாரணைகளை நெல்லியடி பொலிஸார் மேற்கொண்டு வருகின்றனர்.
