ரஷ்யாவிற்கு எதிராக ஆயுதமேந்தும் உக்ரைனின் குத்துச்சண்டடை வீரர்கள்!!
உக்ரைன் நாட்டைச் சேர்ந்த பிரபல குத்துச்சண்டை வீரர் ஒலெக்சாண்டர் உசிக் ரஷ்யா படைகளுக்கு எதிராக ஆயுதமேந்தி போராடவுள்ளதாக அறிவித்துள்ளார். இதற்காக அவர் தனது நாட்டிற்கு திரும்பியுள்ளதாக குறிப்பிட்டுள்ளார்.
நான் யாரையும் கொல்லவிரும்பவில்லை ஆனால் என்னையும் எனது குடும்பத்தினையும் பாதுகாப்பதற்காக எதனையும் செய்வேன் என தெரிவித்துள்ளார்.
நீங்கள் அச்சமடைந்திரு;க்கின்றீர்களா என்ற சிஎன்என்னின் கேள்விக்கு எனது ஆத்மா இறைவனிற்கு சொந்தமானது, எனது உடலும் எனது கௌரவமும் எனது தேசத்திற்கு சொந்தமானவை,ஆகவே அச்சம் என்பது இல்லை இல்லவேயில்லை என அவர் தெரிவித்துள்ளார்.
கடந்த வருடம் செப்டம்பரில் அவர் உலக குத்துச்சண்டை சம்பியனாக தெரிவு செய்யப்பட்டார். இதேவேளை வேறு சிலர் உக்ரைன் குத்துச்சண்டை வீரர்களும் ஆயுதமேந்தியுள்ளனர் என சி.என்.என் தெரிவித்துள்ளது.
