கீவ்வை நோக்கி படையெடுக்கும் ரஷிய இராணுவம்!! -வெளியானது செயற்கைகோள் படங்கள்-

உக்ரைன் தலைநகர் கீவ்வுக்கு வடக்கு பகுதியில் ரஷிய படைகள் அணிவகுத்து சென்று நிலை கொள்ளும் செயற்கைகோள் புகைப்படங்கள் வெளியிடப்பட்டுள்ளது. அப் படத்தில் 64 கிலோ மீட்டர் தூரத்துக்கு ரஷிய இராணுவத்தின் அணிவகுத்துள்ளது. 

உக்ரைன் மீது போர் தொடுத்துள்ள ரஷியா இன்று 6-வது நாளாக தாக்குதலை தொடர்ந்து வருகிறது. இந்த நிலையில் உக்ரைன் தலைநகர் கீவ்வுக்கு வடக்கே ரஷிய படைகள் வரும் செயற்கைகோள் படம் வெளியிடப்பட்டுள்ளது. அதில் 64 கிலோ மீட்டர் தூரத்துக்கு ரஷிய இராணுவத்தின் அணி வகுப்பு உள்ளது.

இராணுவ வாகனங்கள், பீரங்கிகள், தளவாடங்கள் ஆகியவற்றுடன் ரஷிய வீரர்கள் 64 கிலோ மீட்டருக்கு அணிவகுத்து தலைநகரை நோக்கி செல்கிறார்கள். அவர்கள் செல்லும் வழியில் சில வீடுகள், கட்டிடங்கள் எரிந்து கொண்டிருப்பதை காண முடிகிறது.

ஏற்கனவே நேற்று திங்கட்கிழமை கீவ் நகர் மையப்பகுதியில் இருந்து ரஷிய படைகள் 25 கிலோ மீட்டர் தொலைவில் உள்ளதாக தெரிவிக்கப்பட்டு இருந்தது. கீவ்வை நோக்கி பெரும் ஆயுதங்களுடன் ரஷியபடை முன்னேறி வருவதால் அங்கு பெரிய அளவில் தாக்குதல் நடத்த திட்டமிடப்பட்டுள்ளதா? என்ற சந்தேகம் ஏற்பட்டு இருக்கிறது.