ருமேனியாவில் வாகன விபத்து!! -இரு இலங்கையர்கள் பலி-

ருமேனியாவில் நடந்த வாகன விபத்தொன்றில் இலங்கையைச் சேர்ந்த இருவர் உயிரிழந்துள்ளதாக அந்நாட்டிலிருந்து வெளிவரும் ஊடகமொன்று வெளியிட்டுள்ள செய்தியில் தகவல் தெரிவித்துள்ளது. 

ருமேனியாவின் ஹொரியா பகுதியில் இந்த விபத்து இடம்பெற்றுள்ளதாக குறித்த ஊடகத்தின் செய்தியில் மேலும் தகவல் தெரிவிக்கப்பட்டுள்ளது. கட்டுப்பாட்டை இழந்த மகிழுந்து மேற்படி இரு இலங்கையர்கள் மீதும் மோதி விபத்துக்குள்ளாக்கியுள்ளது.

குறித்த இருவரும் வீதியோரமாக நடந்து சென்றுகொண்டிருந்தபோது எதிரில் வந்த மகிழுந்து அவர்களை மோதியுள்ளதாக தெரியவந்துள்ளது. ருமேனியாவில் பணியாற்றிவந்த இலங்கையர்கள் இருவரே விபத்தில் இவ்வாறு உயிரிழந்துள்ளதாக தெரிவிக்கப்பட்டுள்ளது.

உயிரிழந்தவர்கள், பிலியந்தலையைச் சேர்ந்த அசேல பண்டார (வயது 42) மற்றும் பேருவளையைச் சேர்ந்த கயான் சம்பத் (வயது 39) ஆகியோரென அடையாளம் காணப்பட்டுள்ளமை குறிப்பிடத்தக்கது.