கழிவறை என நினைத்து விமானத்தின் கதவை திறக்க முயன்ற நபர்!! -நடுவானில் பயணிகளுக்கு ஏற்பட்ட அதிர்ச்சி சம்பவம்-

அமெரிக்காவின் லாஸ் ஏஞ்சல்ஸ் விமான நிலையத்திலிருந்து நேற்று வாஷிங்டன் நகருக்கு ‘விமானம்-1775’ பயணித்த போது அப்போது எதிர்பாராதவிதமாக, அந்த விமானம் கன்சாஸ் சிட்டி விமான நிலையத்தில் அவசர அவசரமாக தரையிறக்கப்பட்டது.

குறித்த விமானம் தரையிறங்கியது என்ற தகவல் கிடைத்த போது தான், விமானத்தில் அதிர்ச்சி தரக்கூடிய சம்பவம் அரங்கேறியுள்ளமை தெரியவந்தது.

விமானம் வானில் பறந்து கொண்டிருக்கும் போது, விமானத்தில் இருந்த ஒரு பயணி, விமானியின் அறைக்குள் நுழைந்துள்ளார். அவர் அங்கிருக்கும் கட்டுப்பாட்டு பட்டனை பயன்படுத்தி விமானத்தின் ஒரு கதவை திறக்க முயன்றுள்ளார். 

இதனை சற்றும் எதிர்பார்க்காத விமானி, சுதாரித்துக் கொண்டு அவரை தடுத்தார். உடனே அங்கு வந்த விமான பணிப்பெண்கள் மற்றும் இதர பணியாளர்கள் அந்த நபரை கட்டுக்குள் கொண்டு வர முயன்றனர். ஒரு விமான பணியாளர் அந்த நபரின் தலையில் அடித்து அவரை கட்டுப்பாட்டுக்குள் கொண்டு வந்தார்.