ஒரே குடும்பத்தை சேர்ந்த 6 பேர் சுட்டுக்கொலை!! -மெக்ஸிக்கோவில் கொடூரம்-

மெக்ஸிக்கோவின் குவானாஜுவாடோ மாநிலத்தில் உள்ள சிலாவ் கிராமப்புற நகராட்சி பகுதியில் உள்ள ஒரு கட்டடத்தில் ஒரே குடும்பத்தைச் சேர்ந்த 6 பேர் துப்பாக்கிச் சூட்டுக் காயங்களுடன் சடலமாக மீட்கப்பட்டுள்ளனர்.

குறித்த சம்பவம் தொடர்பில் விசாரணைகளை முன்னெடுத்த பொலிஸார், சந்தேகநபர்கள் தொடர்பான ஆதாரங்களை கைப்பற்றியுள்ளதாக தெரிவிக்கப்பட்டுள்ளது. கடந்த 4 மாதங்களில் சிலாவ் கிராமப்புற பகுதியில் நடத்தப்பட்ட 5 ஆவது தாக்குதல் இதுவென பொலிஸார் தெரிவித்துள்ளது.

மெக்சிகோவின் மத்திய மாநிலமான குவானாஜுவாடோவில் இரண்டு போதைப்பொருள் கடத்தல் குழுக்களிடையே ஏற்பட்ட தகராறு வன்முறையாக மாறியுள்ளது. இந்த குழுக்களை சேர்ந்தவர்கள் இந்த குற்றத்தில் ஈடுபட்டிருக்கலாம் என சந்தேகிக்கப்படுகிறது.

2006 ஆண்டில் இருந்து மெக்ஸிக்கோவில் போதை பொருள் எதிர்ப்பு நடவடிக்கையில் அந்நாட்டு இராணுவம் ஈடுபட்டு வருகிறது. இதன் அடிப்படையில் மெக்ஸிக்கோவில் 340,000 க்கும் அதிகமான கொலைகள் பதிவாகி உள்ளதாக அதிகாரப்பூர்வமற்ற தகவல்கள் தெரிவிக்கின்றன.