கனடாவில் காணாமல்போன தமிழ் சிறுவன்!! -தேடும் நடவடிக்கையில் பொலிஸார்-
கனடாவில் வசித்துவந்த 15 வயதுடைய தமிழ் சிறுவன் ஒருவர் காணாமல்போயுள்ளதாக கூறப்படும் நிலையில் அச் சிறுவனை தேடும் முயற்சியில் பொலிஸார் ஈடுபட்டுள்ளனர்.
கிழக்கு வில்லிம்பரி நகரத்தினை சேர்ந்த ஆதித்யா வசந்தன் எனும் சிறுவனே இவ்வாறு காணாமல்போயுள்ளனர். இந்நிலையில் அச் சிறுவனை யோர்க் பிராந்திய பொலிஸார் தேடி வருவதாக அறிவித்துள்ளனர்.
ஆதித்யா வசந்தனை கடந்த 20 ஆம் திகதி வியாழக்கிழமை அன்று காலை 11 மணியளவில், மார்க்கம் நகரின் 16 ஆவது அவென்யூ மற்றும் மார்க்கம் வீதி பகுதியில் அமைந்துள்ள அவரது பாடசாலையில் அடையாளம் காணப்பட்டுள்ளார்.
இதற்கு பின்னர் குறித்த சிறுவன் வீடு திரும்பவில்லை எனவும் பொலிஸார் மேலும் தகவல் தெரிவித்துள்ளனர். அவர் தொடர்பில் தகவல் தெரிந்தால் பொலிஸாருடன் தொடர்பு கொள்ளுமாறும் கேட்டுக் கொண்டுள்ளனர்.
