வேகமாக பரவும் கொரோனா!! -சீனா இரண்டாவது நகரையும் முடக்கியது-

சீனாவில் அதி வேகமாக கொரோனா வைரஸ் தொற்றுப் பரவி வருவதன் காரணமாக அந்நாட்டின் இரண்டாவது நகரத்திலும் முடக்கநிலை அமுலாக்கப்பட்டுள்ளது.

1.1 மில்லியன் சனத்தொகையைக் கொண்ட யூஸோ நகரத்தில், மூன்று அறிகுறியற்ற கொரோனா நோயாளர்கள் அடையாளம் காணப்பட்டதை அடுத்து, அந்த நகரை முடக்க நடவடிக்கை எடுக்கப்பட்டுள்ளது.

போக்குவரத்து சேவைகள் முடக்கப்பட்டுள்ளதுடன், அத்தியாவசிய உணவுப் பொருட்கள் விற்பனையகம் தவிர்ந்த, ஏனைய அனைத்து விற்பனையகங்களும் ஒரே இரவில் மூடப்பட்டுள்ளன.

கொரோனா பரவல் காரணமாக, 13 மில்லியன் மக்கள் தொகையைக் கொண்ட சியான் நகரில் கடந்த மாதம் 23 ஆம் திகதி முதல் முடக்கநிலை அமுலாகியுள்ளது

புத்தாண்டு மற்றும் குளிர்கால ஒலிம்பிக் போட்டிகளைக் கருத்திற்கொண்டு, இந்த முடக்கநிலை அமுலாக்கப்பட்டுள்ளதாக தெரிவிக்கப்படுகிறது.