உணவு விடுதியில் தற்கொலை குண்டு தாக்குதல்!! -ஆபிரிக்காவில் 6 பேர் பலி-

ஆபிரிக்காவில் உணவு விடுதிக்குள் நுழைந்த தற்கொலைதாரி நடத்திய வெடிகுண்டு தாக்குதல் சம்பவத்தில் 6 பேர் பரிதாபமாக பலியாகியுள்ளனர்.

மத்திய ஆபிரிக்க நாடுகளில் ஒன்றான காங்கோவின் கிழக்கு பகுதியில் அமைந்துள்ள பெனி நகரில் மதுபான விடுதி ஒன்றில் இரவு நாத்தார் கொண்டாட்ட நிகழ்வு நடைபெற்றது. 

அங்கு வந்திருந்த தற்கொலைதாரி ஒருவர் மதுபான விடுதிக்குள் நுழைய முயன்றுள்ளார். அப்போது அங்கிருந்த பொலிஸார் அவரை நுழைவாயிலேயே தடுத்து நிறுத்தியுள்ளனர்.

இதையடுத்து அந்த தற்கொலைதாரி வெடிகுண்டுகளை வெடிக்க செய்துள்ளார். இதில் தற்கொலைதாரி சம்பவ இடத்திலேயே உடல் சிதறி உயிரிழந்தார்.

மேலும் இந்த குண்டு வெடிப்பில் 2 சிறுவர்கள் உட்பட 5 பேர் பலியாகியுள்ளதுடன் 13 பேர் படுகாயமடைந்தனர். குறித்த தாக்குதலுக்கு உடனடியாக எந்தவொரு பயங்கரவாத அமைப்பும் இதுவரை பொறுப்பேற்கவில்லை.