ஒரே ஒருவருக்கு கொரோனா!! -2 லட்சம் மக்கள் உள்ள நகருக்கே முழு ஊரடங்கு அமுல்-

வியட்னாம் நாட்டை அண்மித்து அமைந்துள்ள சீனாவின் டாங்ஜிங் நகரில் நேற்று ஒரே ஒருவருக்கு கொரோன வைரஸ் தொற்று இருப்பது பரிசோதனைகள் ஊடாக கண்டறியப்பட்டது.

இதையடுத்து அதிரடி நடவடிக்கைகளை மாநகர நிர்வாகம் மேற்கொண்டுள்ளது. டாங்ஜிங் நகரம் முழுவதும் பொது போக்குவரத்துக்கு தடை விதிக்கப்பட்டுள்ளது.  சுற்றுலாத்தளங்கள், திரையரங்குகள், பொழுது போக்கு பூங்காக்கள் மூடப்பட்டன.  

பாடசாலைகளுக்கு குழந்தைகள் செல்ல தடை விதிக்கப்பட்டுள்ளது. ஊழியர்கள் வீடுகளில் இருந்து வேலை பார்க்குமாறு அறிவுறுத்தப்பட்டுள்ளதாக சீன தொலைக்காட்சி செய்திகள் தெரிவிக்கின்றன. ஒருவர் கொரோனா வைரசால் பாதிக்கப்பட்டதற்கு மாநகரம் முழுவதும் விதிக்கப்பட்டுள்ள கட்டுப்பாடுகள் சர்வதேச பார்வையாளர்களை வியப்பில் ஆழ்த்தியுள்ளது.