மியான்மர் சுரங்கத்தில் திடீர் நிலச்சரிவு!! -ஒருவர் பலி: சுரங்கத்திற்குள் மாட்டிக் கொண்ட 80 பேர்-

மியான்மர் நாட்டில் உள்ள சுரங்கம் ஒன்றில் ஏற்பட்ட திடீர் நிலச்சரிவில் சிக்கி ஒருவர் பலியானார். மேலும் 80 பேர் மாயமாகி உள்ளதாக அங்கிருந்து வரும் தகவல் வெளியாகி உள்ளது.

அந்நாட்டின் வடக்கில் உள்ள பச்சை மாணிக்க கற்களை வெட்டியெடுக்கும் சுரங்கத்தில் இன்று புதன்கிழமை நடந்த திடீர் நிலச்சரிவில் சிக்கி ஒருவர் உயிரிழந்தார். மேலும் 80 பேருக்கும் மேல் மாயமாகி உள்ளதாக மீட்புக் குழு உறுப்பினர்கள் தெரிவித்துள்ளனர். 

இந்த பச்சை மாணிக்க கற்களை வெட்டியெடுக்கும் சுரங்கம் பகந்த் பகுதியில் தடைசெய்யப்பட்டுள்ளது, ஆனால் உள்ளூர்வாசிகள் பெரும்பாலும் விதிமுறைகளை மீறுகின்றனர். அங்கு வேலையின்மை மற்றும் கொரோனா பாதிப்பினால் ஏற்பட்டுள்ள வறுமைநிலை காரணமாக அவர்கள் இது போன்ற பணிகளில் ஈடுபட்டு வருகின்றனர்.

காணாமல் போனவர்களில் பெரும்பாலானோர் சட்டவிரோதமாக பச்சை மாணிக்க கற்களை வெட்டியெடுக்கும் சுரங்கத் தொழிலாளர்கள் என்று கூறப்படும் நிலையில் தற்போது மீட்புப் பணிகள் தீவிரமாக நடைபெற்று வருகின்றன.