நடுக் கடலில் திடீரென மூழ்கிய பயணிகள் படகு!! -17 பேர் பரிதாப பலி: 68 பேரை காணவில்லை-
மடகாஸ்கரின் வட-கிழக்கு கடற்கரையில் நேற்று பயணிகள் படகு திடீரென மூழ்கிய துயரச் சம்பவத்தில் 17 பேர் உயிரிழந்துள்ளனர். மேலும் கடலில் மூழ்கிய 68 பேர் காணாமல் போயுள்ளதாக அந்நாட்டு அதிகாரிகள் தகவல் தெரிவித்துள்ளனர்.
குறித்த கப்பலில் இருந்த 130 பயணிகளில் 45 பேர் மீட்கப்பட்டதாகவும், உள்ளூர் தன்னார்வலர்களின் உதவியுடன் மற்றவர்களைத் தேடும் பணிகள் நடைபெற்று வருவதாகவும் துறைமுக அதிகாரசபைத் தலைவர் தெரிவித்தார்.
சரக்குக் கப்பல் ஒன்றில் சட்டவிரோதமாக பயணிகளை ஏற்றிச் சென்றபோதே அது மூழ்கி இந்த துயரச் சம்பவம் நிகழ்ந்ததாக்வும் அவர் மேலும் தகவல் தெரிவித்துள்ளார்.
அக் கப்பலின் இயந்திரத்தில் ஏற்பட்ட தொழில்நுட்பப் பிரச்சினையால் அது கடலில் தத்தளித்தது. பின்னர் கப்பலுக்குள் தண்ணீர் புகுந்து அது மூழ்கியிருக்கலாம் என மற்றொரு துறைமுக அதிகாரசபை அதிகாரி தெரிவித்தார்.
