இந்தோனேசியாவில் நிலநடுக்கம்;!! -சுனாமி எச்சரிக்கையும் விடுக்கப்பட்டது-

இந்தோனேசியாவில் இன்று செவ்வாய்க்கிழமை காலை சக்தி வாய்ந்த நிலநடுக்கம் ஏற்பட்டது. அந்நாட்டின் மௌமரே நகருக்கு அருகே 7.6 ரிக்டர் அளவில் நிலநடுக்கம் பதிவாகியுள்ளது.

இந்த நிலநடுக்கத்தை அடுத்து அங்கு சுனாமி எச்சரிக்கை விடுக்கப்பட்டுள்ளது. இருப்பினும் அங்கு ஏற்பட்ட நிலநடுக்கத்தால் இலங்கைக்கு உடனடி பாதிப்புக்கள் இல்லை எனவும் அறிவிக்கப்பட்டுள்ளது.

இந்தோனேசியாவில் 2004 ஆம் ஆண்டு 9.1 ரிக்டர் அளவில் நிலநடுக்கம் காரணமாக மலேசியா, இலங்கை, இந்தியா, மாலத்தீவுகள் உள்ளிட்ட 14 நாடுகளைச் சேர்ந்த 230,000 பேர் உயிரிழந்தனர். இந்தோனேசியாவில் சுமார் 170,000 பேர் உயிரிழந்தனர் என்பது குறிப்பிடத்தக்கது.