வெள்ளத்தில் மிதக்கும் பிரான்ஸ்!! -வீடுகளுக்குள் வெள்ளம் புகுந்ததால் பெரும் அனர்த்தம்-

பிரான்ஸ் நாட்டில் 3 வாரங்களில் பெய்யவேண்டிய மழை 12 மணி நேரத்திற்குள் கொட்டித் தீர்த்ததால், வீடுகள் பல வெள்ளத்தில் மூழ்கியுள்ளதுடன் சில இடங்களில் நிலச்சரிவு அனர்த்தமும் ஏற்பட்டுள்ளது. 

அங்குள்ள பெரும்பாலான வீடுகளுக்குள் வெள்ளம் புகுந்துள்ள நிலையில் வெளியேற முடியாமல் சிக்கியுள்ளவர்களை மீட்பதற்காக தீயணைப்புதுறை களமிறக்கப்பட்டுள்ளது.

தென்மேற்கு பிரான்சின் பெரும்பகுதி, மற்றும் வட ஸ்பெயின் ஆகிய பகுதிகளில் கொட்டித்தீர்த்த கனமழையால் வெள்ளம் பெருக்கெடுத்து, நதிகளும் நிரம்பி வெள்ளம் குடியிருப்புப் பகுதிகளுக்குள் நுழைந்ததைத் தொடர்ந்து, வீடுகளிருந்து ஏராளமானோர் வெளியேறி பாதுகாப்பான இடங்களுக்குச் சென்றுள்ளனர்.