சூப்பர் மார்க்கெட்டில் புகுந்த 80 பேர்!! -கையில் கிடைத்ததை கொள்ளையடித்து தப்பியோட்டம்-

அமெரிக்கா நாட்டில் உள்ள சூப்பர் மார்க்கெட் ஒன்றில் தடாலடியாக புகுந்து கைகளில் கிடைத்த பொருட்களை திருடிவிட்டு கார்களில் தப்பிய 80 பேரை பொலிஸார் தேடி வலைவிரித்துள்ளனர். 

அந்நாட்டின் கலிபோர்னியாவில் உள்ள ஒரு சூப்பர் மார்க்கெட்டின் கண்ணாடிகளை உடைத்தவாறு கடையினுள் அடாவடியாக நுழைந்த 80 பேர், கைகளில் கிடைத்த பொருட்களை அள்ளிக் கொண்டு கண் இமைக்கும் நேரத்தில் கார்களில் பறந்தனர்.

சம்பவம் குறித்து தகவல் அறிந்து வந்த பொலிஸார் விரட்டிச் சென்று 3 பேரை கைது செய்த நிலையில் மீதமுள்ளவர்களை தேடி வலைவிரித்துள்ளதாக தெரிவித்துள்ளனர்.