வீதியில் பணமழை பொழிந்த டிரக்!! -அள்ளிச்சென்ற பொது மக்கள்-

அமெரிக்கா நாட்டின் வின் கலிபோர்னியாவில் உள்ள வீதியொன்றில் நேற்று முன்தினம் காலை பணம் நிரம்பிய கண்டெய்னருடன் டிரக் ஒன்று சென்று கொண்டிருந்தது. அந்த டிரக் கெனான் சாலையில் சென்று கொண்டிருக்கும்போது கண்டெய்னர் திறந்து ரூபாய் நோட்டுகள் சாலையில் பறக்க ஆரம்பித்தன.

வீதியில் சென்று கொண்டிருந்த வாகன சாரதிகள், வாகனங்களை நிறுத்தி பணத்தை அள்ளி சென்றனர். இதுகுறித்து கலிபோர்னியா தேசிய நெடுஞ்சாலை கட்டுப்பாட்டு  அறைக்கு தகவல் கிடைத்ததையடுத்து அதிகாரிகள் சம்பவ இடத்திற்கு விரைந்தனர்.

பணத்தை எடுத்துக் கொண்டிருந்தவர்களிடம், திருப்பி பணத்தை அளிக்குமாறு அதிகாரிகள் கேட்டுக்கொண்டனர். பலர் பணத்தை திருப்பி அளித்தனர். சிலர் பணத்தை திருப்பிக் கொடுக்காமல் அங்கிருந்து சென்றுவிட்டனர். 

பணம் கொட்டும்போது அந்த வழியாக சென்ற வாகனங்கள் கண்காணிப்பு கேமராவில் பதிவாகியுள்ளன. அதை வைத்து பணத்தை எடுத்துச் சென்றவர்களை பொலிஸார் கண்டுபிடித்து பணத்தினை மீள பெற்று வருகின்றனர்.