லண்டனில் தொடரும் மர்மம்!! -மற்றுமொரு இளம் பெண்ணும் திடீர் மாயம்-

லண்டனில் ஹேக்னேவை சேர்ந்த ஏஞ்சலினா என்ற இளம் பெண் திடீரென காணாமல் போயுள்ளார். காணாமல் போயுள்ள குறஜம’ம இளம்பெண் தொடர்பில் பொலிஸார் முக்கிய தகவல்களையும், புகைப்படங்களையும் வெளியிட்டுள்ளனர். 

குறித்த பெண் காணாமல் போனமை தொடர்பில் அவரது குடும்பத்தினர் முறைப்பாடு செய்துள்ளதாக பொலிஸார் கூறியுள்ளனர்.

அந்த பெண் எப்போதில் இருந்து காணாமல் போனார் என்ற தகவலை பொலிஸார் வெளியிட்வில்லை. இந்நிலையில், காணாமல் போன குறித்த இளம் பெண்ணின் இரு புகைப்படங்களை பொலிஸார் வெளியிட்டுள்ளனர்.

ஒரு புகைப்படத்தில் அப்பெண் பாடசாலை சீருடை அணிந்திருக்கிறார். வீட்டில் இருந்து காணாமல் போன ஏஞ்சலினா தொடர்பில் யாருக்கேனும் தகவல் தெரிந்தால் தங்களிடம் தெரிவிக்கலாம் என பொலிஸார் கூறியுள்ளனர்.

இதேவேளை, அண்மைய காலமாக லண்டனில் இளம் பெண்கள் மர்மமான முறையில் காணாமல் போன சம்பவங்கள் பதிவாகியுள்ளதுடன், சிலர் சடலமாக மீட்கப்பட்ட சம்பவங்களும் பதிவாகியுள்ளமை குறிப்பிடத்தக்கது.