இலங்கைக்கு பெருமை சேர்த்த ஜயவர்தனபுர பல்கலை பேராசிரியர்!! -உலகின் செல்வாக்கு மிக்க ஆய்வாளர்கள் வரிசையில் இடம்பிடித்தார்-

உலக நாடுகளில் உள்ள மிகவும் செல்வாக்கு மிக்க ஆய்வாளர்களின் வரிசையில் இலங்கையைச் சேர்ந்த ஆய்வாளர் ஒருவரின் பெயரும் முதல் முதலாக உள்ளடக்கப்பட்டுள்ளது. 

உலகின் மிகப் பெரிய விஞ்ஞான ஆய்வு தகவ்களை திரட்டும் நிறுவனமான கிளராடிவ் ஆய்வாளர் நிறுவனம் ஆண்டு தோறும் வெளியிடும் பட்டியலிலேயே அவர் இடம் பிடித்துள்ளார். 

இலங்கையில் உள்ள ஸ்ரீ ஜயவர்தனபுர பல்கலைக்கழகத்தின் பேராசிரியர் மெத்திக்கா விதானகே என்பவரே இந்தப் பட்டியலில் இணைந்து கொண்டுள்ளார். இந்த பட்டியலில் முதல் தடவையாக இலங்கையர் ஒருவர் இடம்பிடித்துள்ளார் என்பது குறிப்பிடத்தக்கது.