பாலத்தின் மீது ஏறி செல்பி எடுக்க முயற்சி! ரயில் மோதி இளைஞன் பலி, மற்றொரு இளைஞன் பாலத்திற்கு கீழ் பாய்ந்து உயிர் தப்பினார்..

புகைரதத்துடன் செல்பி புகைப்படம் எடுக்க முயற்சித்த இளைஞர் ஒருவர் புகைரதம் மோதி உயிரிழந்துள்ளார். 

குறித்த சம்பவம் வவுனியா - கல்லாற்று பாலத்தில் இன்று காலை 8.30 மணிக்கு இடம்பெற்றிருக்கின்றது. 

சம்பவம் தொடர்பாக மேலும் தெரியவருவதாவது, மன்னார் முருங்கன் பகுதியில் இருந்து செட்டிகுளம் நோக்கி மோட்டார் சைக்கிளில் வருகைதந்த இரு இளைஞர்கள், 

செட்டிகுளம் கல்லாறுப்பாலத்தில் ஏறி தங்களது தொலைபேசியில் செல்பி எடுக்க முற்பட்டுள்ளனர். இதன்போது மன்னார் பகுதியில் இருந்து 

கொழும்பு நோக்கிச் சென்று கொண்டிருந்த புகைரதம் மோதியுள்ளது. இதனால் இளைஞன் ஒருவன் சம்பவ இடத்திலேயே உயிரிழந்தான்.

மற்றய இளைஞன் பாலத்திற்கு கீழே குதித்து  கீழே குதித்து உயிர் பிழைத்துள்ளார். சம்பவத்தில் முருங்கன் பரியாரி கண்டல் பகுதியை சேர்ந்த

பிரான்சிஸ் கண்ணா வயது 21 என்ற நபரே மரணமடைந்துள்ளார். சம்பவம் தொடர்பாக பொலிசார் விசாரணைகளை முன்னெடுத்துவருகின்றனர்.