திடீரென இடிந்து விழுந்த குகை!! -பயிற்சியில் ஈடுபட்டிருந்த தீயணைப்பு படையினர் 9 பேர் பலி-

பிரேசில் நாட்டின் தீயணைப்பு படை வீரர்கள் பயிற்சியில் ஈடுபட்டிருந்த போது திடீரென குகை இடிந்து விழுந்து விபத்துக்குள்ளான சம்பவத்தில் 9 பேர் உயிரிழந்தனர்.

அந்நாட்டின் சாவ் பாவ்லோ மாகாணம் அல்டினோபொலிஸ் நகரின் தீயணைப்பு படைப்பிரிவை சேர்ந்த 26 வீரர்கள் அப்பகுதியில் உள்ள டுஅஸ் போகஸ் என்ற குகையில் நேற்று ஞாயிற்றுக்கிழமை மீட்புப்பணி பயிற்சியில் ஈடுபட்டுக்கொண்டிருந்தனர். 

குகைக்குள் வீரர்கள் மீட்புப்பணி பயிற்சியில் ஈடுபட்டுக்கொண்டிருந்தபோது திடீரென குகையின் மேற்கூரை பகுதி இடிந்து விழுந்தது. இதில், 26 தீயணைப்பு வீரர்களும் சிக்கிக்கொண்டனர்.

தகவலறிந்து சம்பவ இடத்திற்கு விரைந்து சென்ற மீட்புக்குழுவினர் குகைக்குள் சிக்கியவர்களில் 5 பேரை உயிருடன் மீட்டனர். இருப்பினும் குரை இடிபாடுகளுக்கு சிக்கி இதுவரை 9 பேர் உயிரிழந்துள்ளனர். 

அவர்களின் உடல்கள் மீட்கப்பட்டுள்ளனர். மேலும், குகை இடிபாடுகளுக்குள் சிக்கிய மேலும் 9 பேரின் நிலை என்ன ஆனது என தெரியாததால் அவர்களை மீட்கும் பணியில் மீட்குக்குழுவினர் தீவிரமாக ஈடுபட்டு வருகின்றனர்.