இரு கார்கள் மோதி கோர விபத்து!! -1 1பேர் பலி: 15 பேர் காயம்-
நைஜீரியாவின் க்வாரா மாகாணத்தில் இரு கார்கள் மோதிக் கொண்ட கோர விபத்தில் சிக்கி 11 பேர் உயிரிழந்துள்ளனர். மேலும் இவ்விபத்தில் 15 பேர் காயமடைந்துள்ளனர்.
அம் மாநிலத்தின் ஒனிபாகோ கிராமத்திற்கு அருகில் உள்ள ஒரு பரபரப்பான வீதியில் நேற்று குறித்த விபத்து நடந்துள்ளது.
முன்னால் சென்ற கார் ஒன்றை சாலை விதிகளை மீறி மற்றொரு கார் முந்திச் செல்ல முயன்றபோது இந்த விபத்து இடம்பெற்றதாக க்வாராவில் உள்ள மத்திய சாலை பாதுகாப்புப் படையின் துறைத் தளபதி ஜொனாதன் ஓவாட் தெரிவித்தார்.
விபத்தை அடுத்து விரைந்த மீட்புக் குழுவினர் காயமடைந்தவர்களை மீட்டு உள்ளூர் வைத்தியசாலைகளில் அனுமதித்ததாகவும் ஓவாட் கூறினார்.
அளவுக்கு அதிகமானவர்களை வாகனங்களில் ஏற்றிச் செல்லுதல், மோசமான வீதிகள் போன்ற காரணிகளால் நைஜீரியாவில் கோர விபத்துக்கள் அடிக்கடி இடம்பெறுகின்றமை குறிப்பிடத்தக்கது.
