ஐ.எஸ் பயங்கரவாதிகளை கைது செய்த தலீபான்கள்!!

ஆப்கானிஸ்தானில் 4 ஐ.எஸ். பயங்கரவாதிகளை தலீபான்கள் கைது செய்துள்ளனர்.

ஆப்கானிஸ்தானில் தலீபான்களின் ஆட்சிக்கு எதிராக ஐ.எஸ்.ஐ.எஸ். பயங்கரவாத அமைப்பு செயல்பட்டு வருகிறது. ஐ.எஸ் அமைப்பு பொதுமக்கள் மற்றும் தலீபான்களை குறிவைத்து அவ்வப்போது தாக்குதல்களை நடத்தி வருகின்றனர். 

இந்நிலையில், அந்நாட்டின் தலைநகர் காபூலில் தலீபான்கள் நேற்று இரவு அதிரடி சோதனை நடத்தினர். அந்த சோதனையில் ஐ.எஸ். பயங்கரவாதிகள் 4 பேர் கைது செய்யப்பட்டனர். கைது செய்யப்பட்ட ஐ.எஸ். பயங்கரவாதிகளிடமிருந்து ஆயுதங்கள் கைப்பற்றப்பட்டதாக தலீபான்கள் செய்தித்தொடர்பாளர் தெரிவித்துள்ளார்.