பாலத்தில் இருந்து கவிழ்ந்து ஆற்றுக்குள் விழுந்த கார்!! -ஒரேகுடும்பத்தை சேர்ந்த 7 பேர் பரிதாப பலி-

பாகிஸ்தான் நாட்டில் கார் ஒன்று பாலத்தில் இருந்து கவிழ்ந்து ஆற்றுக்குள் விழுந்த விபத்தில் ஒரேகுடும்பத்தை சேர்ந்த 7 பேர் பரிதாபமாக உயிரிழந்தனர்.

அந்நாட்டின் இஸ்லாமாபாத் நகரில் ஒரு திருமண நிகழ்ச்சியில் பங்கேற்றுவிட்டு ஒரே குடும்பத்தை சேர்ந்த 7 பேர் காரில் வீடு திரும்பிக்கொண்டிருந்தனர். 4 பெண்கள், 2 குழந்தைகள் மற்றும் ஒரு ஆண் அந்த காரில் பயணம் செய்துள்ளனர்.

இரவு நேரத்தில் பாலத்தின் மீது சென்றுகொண்டிருந்தபோது சாரதியின் கட்டுப்பாட்டை இழந்த கார் பாலத்திற்கு கீழே உள்ள ஆற்றில் விழுந்து விபத்துக்குள்ளானது. 

இரவு என்பதால் இந்த விபத்து குறித்து யாருக்கும் தெரியவில்லை. மறுநாள் நேற்று ஆற்றில் கார் ஒன்று அடித்து செல்லப்படுவது தொடர்பில் மீட்புக்குழுவினருக்கு தகவல் கொடுக்கப்பட்டது. இதையடுத்து, மீட்புக்குழுவினர் காரை மீட்டனர். 

இருப்பினும் ஆற்றுக்குள் கார் கவிழ்ந்து விபத்துக்குள்ளானதில் காரில் பயணம் செய்த ஒரேகுடும்பத்தை சேர்ந்த 7 பேரும் ஆற்றில் மூழ்கி பரிதாபமாக உயிரிழந்தனர்.