ஆப்கானில் தாடி வெட்ட தாலிபான்கள் தடை!! -மீறினால் தண்டனை எனவும் எச்சரிக்கை-

ஆப்கான் ஹெல்மாண்ட் மாகாணத்திலுள்ள சிகை அலங்கரிப்பு நிலையங்களில் ஆண்கள் தாடி வெட்ட தடை விதித்து தாலிபான்கள் உத்தரவிட்டுள்ளனர்.

தாடி வெட்டுவது இஸ்லாமிய சட்டங்களை மீறுவதாக தெரிவித்துள்ள தாலிபான்கள், தடையை மீறிவோருக்கு தண்டனை வழங்கப்படும் என்றும் கடும் எச்சரிக்கை செய்துள்ளனர். 

இவ்வாறான உத்தரவுகள் தங்களுக்கும் கிடைத்துள்ளதாக தலைநகர் காபூலில் உள்ள சிகை அலங்கார நிலைய உரிமையாளர்கள் தெரிவித்துள்ளனர்.

ஆப்கானில் தாலிபான்கள் முன்பு ஆட்சியைக் கைப்பற்றியுள்ள நிலையில் அங்கு தற்போது கடுமையான இஸ்லாமிய சட்டங்கள் அமுல்படுத்தப்பட்டு வருகின்றமை குறிப்பிடத்தக்கது.