சீனா எங்களின் முக்கிய கூட்டாளி!! -தலீபான்கள் அதிரடி அறிவிப்பு-

ஆப்கானின் ஆட்சி அதிகாரத்தை முற்று முழுதாக கைப்பற்றியுள்ள தலீபான்கள் சீனா தங்களின் மிக முக்கிய கூட்டாளி என்று தெரிவித்துள்ளனர்.  இவ்விடயம் தொடர்பில் தலீபான் அமைப்பின் செய்தி தொடர்பாளர் ஜபிப{ஹல்லா முஜாஹித் கூறியதாவது:-

சீனா எங்களின் மிக முக்கிய கூட்டாளி. ஆப்கானை பொருளாதார ரீதியாக வலுப்படுத்துவதற்கு சீனாவைப் பெரிதும் நம்புகிறோம். சீனா எங்களுக்கு ஒரு அடிப்படை மற்றும் அசாதாரண வாய்ப்பை பிரதிபலிக்கிறது. பொருளாதாரத்தை வலுப்படுத்த, நிதியளிக்க சீனா தயாராக உள்ளது. 

ஆப்கானில் வளமான சுரங்கங்கள் உள்ளன. சீனாவின் உதவியால் அவற்றை மீண்டும் செயல்படவைக்கலாம், நவீனமயமாக்கலாம். அதோடு சீனாவின் மூலமாக உலகெங்கிலும் உள்ள சந்தைகளுக்கு எங்கள் சுரங்க தயாரிப்புகளை எடுத்துச் செல்லலாம். 

சீனாவை ஆப்பிரிக்கா ஆசியா மற்றும் ஐரோப்பாவுடன் இணைக்க முயற்சிக்கும் சீனாவின் ‘ஒன் பெல்ட், ஒன் ரோடு' முயற்சிக்கு நாங்கள் ஆதரவு தெரிவிக்கிறோம் என்றார்.