கொரோனாவால் அதிரும் அமெரிக்கா!! -உயிரிழந்தோர் எண்ணிக்கை 6.50 இலட்சத்தைக் கடந்தது-

அமெரிக்காவில் கடந்த சில நாட்களாக கொரோனா வைரஸ் தொற்றுக்கு உள்ளானோரின் எண்ணிக்கை ஒரு இலட்சத்தைத் தாண்டியுள்ளது.

உலக அளவில் கொரோனா வைரஸ் தொற்றால் அதிகம் பாதிப்பை எதிர் கொண்ட நாடுகளில் முதலிடத்தில் அமெரிக்காவும், இரண்டாம் இடத்தில் இந்தியாவும், மூன்றாவது இடத்தில் பிரேசிலும் உள்ளன.

அமெரிக்காவில் கடந்த சில நாட்களாக கொரோனா பாதிப்பு அடைந்தோர் எண்ணிக்கை ஒரு இலட்சத்தைத் தாண்டியுள்ளது. இந்நிலையில், அங்கு மேலும் 1.50 இலட்சத்துக்கு மேற்பட்டோருக்கு தொற்று உறுதிசெய்யப்பட்டது. இதையடுத்து அங்கு கொரோனாவால் பாதிப்பு அடைந்தோர் எண்ணிக்கை 3.93 கோடியைக் கடந்துள்ளது.

ஒரே நாளில் 1100ற்க்கும் அதிகமானோர் உயிரிழந்துள்ள நிலையில், அங்கு தொற்றால் பலியானோர் எண்ணிக்கை 6 இலட்சத்து 50 ஆயிரத்தைத் தாண்டியுள்ளது.