மெக்சிக்கோவில் திடீர் சூராவளி!! -8 பேர் பலி-

கிழக்கு மெக்சிக்கோ பிராந்தியத்தில் திடீரென ஏற்பட்ட பாரிய சூறாவளி காரணமாக சுமார் 8 பேர்வரையில் உயிரிழந்துள்ளனர் என்று சர்வதேச ஊடகங்கள் தகவல் வெளியிட்டுள்ளன. 

மழையுடன் கூடிய கடுமையான காற்றை அடுத்து பல மரங்கள் வேருடன் வீழ்ந்துள்ளதால் அங்கு மின்சார விநியோகம் முற்று முழுதாக துண்டிக்கப்பட்டுள்ளது.

மேலும் அங்குள்ள பல வீதிகள் நீரில் மூழ்கியுள்ளன. இதனால் போக்குவரத்தும் முடங்கியுள்ளது. தற்போது, சூறாவளியின் வேகம் குறைந்து அந்த பிராந்தியத்தை விட்டு நகர்ந்து செல்வதாக காலநிலை அவதான நிலையம் தெரிவித்துள்ளது.