விமானத்தின் டயர் மீது அமர்ந்து சென்ற 3 பேர் கீழே விழுந்து பலி!! -ஆப்கானிஸ்தானிலிருந்து தப்பித்து செல்ல முற்பட்ட வேளை சம்பவம்-

ஆப்கானிஸ்தானை கைப்பற்றியுள்ள தலிபான்களிடம் இருந்து தப்பித்துக் கொள்ள அமெரிக்க விமானத்தில் டயரில் தொங்கியபடி பயணித்த 3 பேர் நடுவானிலிருந்து விழுந்து உயிரிழந்துள்ளனர். 

அந்நாட்டில் தலீபான்கள் ஆக்கிரமிப்பால் அரசு கவிழ்ந்த நிலையில் தலீபான்கள் நாட்டினை முழுவதுமாக கைப்பற்றியுள்ளனர். இந்நிலையில் தலிபான்களுக்கு பயந்து வெளிநாட்டவர்களும், சொந்த நாட்டவர்களுமே நாட்டை விட்டு வெளியேற முயற்சித்து வருகின்றனர். 

இந்நிலையில் அங்கிருந்து புறப்படும் சொற்ப விமானங்களிலும் எப்படியாவது தப்பி பிழைத்து விட எண்ணி பலர் அடைக்கலம் தேடி ஓடும் நிலை ஏற்பட்டுள்ளது. இந்தநிலையில் ஆப்கானிஸ்தானிலிருந்து புறப்பட்ட அமெரிக்க ராணுவம் விமானம் ஒன்றை சுற்றி பலர் ஓடி வருவதும், அதன் மீது அமர்ந்திருப்பதுமான காட்சி சமூக வலைதளங்களில் வெளியாகியுள்ளது.