பொலிஸ் அதிகாரி வீட்டில் தங்கத்தில் மின்னும் கழிப்பறை!! -அதிகாரிகளை அதிரவைத்த சம்பவம்-

ரஷ்யாவைச் சேர்ந்த பொலிஸ் அதிகாரியின் வீட்டில் தங்கத்தில் கழிப்பறை, சர விளக்கு, தங்கமுலாம் பூசியகதவுகள், படிகள் அமைக்கப்பட்டிருப்பது தொடர்பில் தகவல்கள் வெளியாகியுள்ளது. 

குறித்த பொலிஸ் அதிகாரி மீது ஊழல் உட்பட பல்வேறு வழக்குகள் பதிவாகியுள்ள நிலையில் அவர் கைது செய்யப்பட்டுள்ளார். இந்நிலையில், அவரது வீட்டை போலீஸார் சோதனையிட்டனர். 

அப்போது அவரது வீட்டில் தங்கத்தினால் ஆன சரவிளக்குகள், தங்க முலாம் பூசிய கதவுகள், படிக்கட்டுகள், தங்கமுலாம் பூசப்பட்ட நாற்காலி, மேஜை உள்ளிட்ட மரச்சாமான்கள் உள்ளன. இதைக் கண்டதும் பொலிஸ் அதிகாரிகள் ஆச்சர்யத்தில் ஆழ்ந்தனர்.

பின்னர் அந்த வீட்டில் இருந்த கழிப்பறையைத் திறந்து பார்த்தபோது அங்கிருந்த டாய்லட் சீட்டும் தங்கத்தில் செய்யப்பட்டு இருந்தது அதிகாரிகளை அதிர்ச்சிக்குள்ளாக்கியுள்ளது.