பீ.சி.ஆர் பரிசோதனையின்போது தாதியை கண்ணாடி கோப்பையால் அடித்த பௌத்த பிக்கு கைது! தாதி படுகாயம்..

பீ.சி.ஆர் பரிசோதனையின்போது ஆத்திரமடைந்த பௌத்த பிக்கு கண்ணாடி கோப்பையினால் தாதி மீது தாக்குதல் நடத்தியதில் படுகாயமடைந்த தாதி வைத்தியசாலையில் அனுமதிக்கப்பட்டிருக்கின்றார். 

சம்பவம் தொடர்பாக துறவி ஆனமடுவ பொலிஸாரால் கைது செய்யப்பட்டுள்ளார். துறவிக்கு காய்ச்சல் காரணமாக ஆனமடுவ ஆதார வைத்தியசாலையில் அனுமதிக்கப்பட்ட நிலையில் இவருக்கு பி.சி.ஆர் பரிசோதனை மேற்கொள்ளப்பட்டது. 

இதன்போது வலி ஏற்பட்டதால் கோபமடைந்து கண்ணாடி கோப்பையினால் தாதியை தாக்கியுள்ளார். கண்ணாடி கோப்பை உடைந்ததால் தாதியின் தலையில் பலத்த காயம் ஏற்பட்டுள்ளதுடன் குருநாகல் வைத்தியசாலையில் அனுமதிக்கப்பட்டுள்ளார்.